Wikikamus:Tata Ongrot

Tata ongrot (otabâ format) sè èyangghuy è Wikioca' iyâ arèya èjhârbâ'aghi è bâbâ rèya.

Kènga'è jhâ' ta' sakabbhina oca' anḍi' pantha sè ghenna', dhâddhi pantha è bâbâ rèya pèra' èyèssè'è kalamon sèttong oca' bâḍâ jhâjhârbâ'ân panthana!

Bhâsa Madhurâ

Oca'

aèssè oca' sè èmaksod. Salaènna ngangghuy horop Latèn, kennèng ètolès ngangghuy aksara Madhura otabâ Pèghu.

Oca' asal

iyâ arèya oca' sè ghi' ta' ollè èmbuwân, akadhi oca' kakanan sè oca' asalla kakan ollè panotèng -an.

Macemma oca'

aèssè macemma oca' è bhâsa Madhurâ, akantha: oca' bhârang, oca' lako bân èn-laènna. Kaca rèya ajhârbâ'aghi cem-macemma oca' è bhâsa Madhura.

Artè

aèssè artè, ma'na, otabâ definisi bhâb oca' kasebbhut.

Keccap

bisa èyèssè'è horof IPA: /??/ bân sowara ḍâri Lingua Libre.

Onḍhâgghâ bhâsa

onḍhâk bhâsa Madhurâ è antarana enjâ'-iyâ (lomra), engghi-enten (tengnga'an), èngghi-bhunten (tèngghi), bân tèngghi-alos (ka'angghuy è kètab)

Paḍâna oca'

è ḍinna' aèssè oca' sè paḍâ artèna otabâ sinonim'

Tabhâligghâ oca'

sabâ' oca' sè artèna tabhâlik bi' oca' sè èmaksod.

Sambhâdhân

otabâ dialek iyâ arèya nodhuwaghi dialek ḍimma ka oca' kasebbhut, akadhi Songennep, Pamekkasân, Bhângkalan otabâ sè laènna.

Sokklana oca'

tolès sokklana oca', misal sèttong oca' tartanto sokklana ḍâri bhâsa Blândhâ, Kabi, Jeppang, Sonḍhâ, Jhâbâ, Bhâli otabâ èn-laènna.

Pertalan

iyâ arèya èkala' ḍâri bhâsa Blândhâ vertaal sè artèna è bhâsa Inḍonesia terjemah. Pantha rèya bisa lebbi ḍâri sèttong bhâsa. Kalamon Bâ'na ngennèng abhâsa Inḍonesia, Inggris, Prancis otabâ bhâsa apa bhai, kennèng èpabhidhâ bi' tanḍhâ butèr (Inggris: bullet point).

Conto

Bâ'na abherri' conto è ḍinna' kalabân matebbel oca' sè èmaksod. Kalamon sèttong oca' èyangghuy kèya è ca'-oca'an, èbhârât, palègghirân, kèrata bhâsa, parbhâsa(n)/parèbhâsa/bhâbhâsan, saloka otabâ sè laènna Bâ'na ngennèng nolès kèya.

Oca' obâ'ân

pantha rèya kennèng èpobuwi sabânnya'na oca' obâ'ân (kalamon kaca rèya aèssè oca' asal), kennèng èpasanglè' (Indonesia:ditautkan) ka kaca sè la bâḍâ maskè ta' wâjib.

Sombher

Pa-apa sè bâḍâ sombherrâ mara sabâ' è ḍinna'.

Oca' oca' asal è kaca rèya ngangghuy ca'-oca' ḍâri Asmoro (1950). Kalamon è bhâsa Inḍonèsia èkoca' kèya kata dasar.